الجمعة، 17 جويلية، 2009

مدونة مصعب بن رحومة تتعرض لعملية تخريب ؟؟؟

تعرضت مدونة مصعب بن رحومة هذه الليلة الى عملية قرصنة دمرت كل مكوناتها وذلك بعد ان تلقى مصعب رسالة تخبره عن وجود اجسام غير مرغوب فيها des malwares في مدونته وانه لم يعد يستطع الولوج الى مدونته وحيث انه لاحظ تدمير كل ارشيفه فانه سارع باغلاق المدونة علما وان مدونة مصعب ليست مدونة مجانية كالمدونات الاخرى التي لدينا وان كان يستعمل في تلبيسها templates من WordPress فانه يمتلك اسم مجال خاص به قام لحسن الحظ بتحييده قبل ان يتم تفجيره هو ايضا ؟؟؟
واننا لنستغرب من مثل هذه الممارسات ومن المستفيد منها ؟؟؟؟

هناك 11 تعليقًا:

brastos يقول...

اهلا ابو ناظم .. غيبتك راهي طوّلت شويّه :)

نتذكّر منذ اشهر صارت حاجه شبيهة بهكّه لمدوّنة ازواو و مدونة ارتيكيلي

نفس الطريقة

تلقّي رسالة و عند ضغطه على الرابط الملحق في الرساله .. تدمّر المدونه

نرجو ان تكون المساله مجرّد خطا تقني قابل للتدارك

هشوش يقول...

سلام
تو مدّة 4 ايام تقريبا تلقيت رساله كيما هكّا ع البوات مايل متاعي اما ما حليتهاش خاطر الهمد الله الواحد جا ولد دومان و يفهم شويه ...
مع العلم و انو الرساله جات من عند مدوّن تونسي معروف حقيقة كنت نتوسّم فيه الخير اما الظاهر انّي كنت غالط برشا فيه !!!
و يرحم من قال: ما يعجبك ف الدهر كان طولو !!!
نهاركم طيّب

brastos يقول...

@ خويا هشوش

لو تسمح تزيد توضّحلنا الامر .. خاطر نتصوّرو هام برشه

قلت منذ مدة : "رساله كيما هكّا" يعنى بودّي لو تزيد توضّحلنا اكثر شنوّة المقصود بـ : "كيما هكّه" ـ

ثمّ علاش ما تقولش شكونو هالمدوّن اللي بعثلك رساله مشبوهه ؟ نتصوّر الحكاية تفيدنا في زوز اتجاهات

واحد : اذا كانو المدوّن المقصود بريء من ارسال رسائل "كيف هكّه" .. يعني ثمّه شكون منتحل شخصيتو

اثنين : اذا ثبت انّو صحيح ، ما على البقية الا انها تاخذ حذرها منّو

يعني بصراحه تعليقك بقدر ماهو مثير ، بقدر ماهو غامض و في حاجه لبرشه توضيح

abounadhem يقول...

براستوس
شكرا لاهتمامك بي ولكن حقيقة ماعادش لاقي في البلوغسفير جو يشجع على الظهور اما باقي نخدم في مرصد الذاكرة كيما العادة وها نا نحضرو في الحكايات الكبيرة اللي تتطلب حضور وابداء موقف على الاقل موش كيما برشة ناس ..تسمع جعجعة ولا ترى طحينا؟؟؟؟
هشوش
شكرا لمرورك
نضم صوتي لبراستوس لو كان تعلن عليه السيد هاذا اما ان يكون سبام خاطر حتى انا تظهرلي ساعات رسائل من النوع هاذا لكن من اسماء ما نعرفهمش او يكون قاصد وهكة يتكشف؟؟؟؟

taha يقول...

توضيح بالنسبة لهشوش: الفيروسات الخبيثة والخطيرة اتنجم اتجيك عن طريق رسالة من احد الاصدقاء المتواجدين في الايميل امتاعك
وذلك للتمويه وضمان الوصول الى اهدافهم الدنيئة. يعني كيف اتجيك رسالة من صديق مشكوك في امرها وهي بمثابة فيروس لا يعني ان هذا الصديق هو الذي بعث بها. اساليب جهنمية يستعملونها لاصدياد الفريسة بسهولة. الحذر كل الحذر من هذه الاساليب.
وانا انصح هاشوش بمصارحة صديقه في الموضوع لمعرفة الحقيقة. احتمال كبير جدّا ان يكون باعث الرسالة شخص اخر لا علاقة له بصديقه. الشك طريق الى اليقين

هشوش يقول...

السلام عليكم مره اخرى
بالنسبه علاش ما سمّيتوش شكون المدوّن الجواب ساهل برشا خاطر فمّا حالتين: يا إما هو حب يستقصدني انا بالذات(او غيري المهم انو عن قصد) او انو هو وقع ضحيه زاده و وقتها نولّي انا ظالمو بصراحه...
ملاحظه حبيت زاده نقولها و انو الشخص هاذا ما عندي معاه حتى كونتاكت بمعنى لا نعرف المايل متاعو و لا شخصيتو العلاقه الوحيده هي انو في تدوينتي الاخيره عمل طله و نورنا بتعليق دونك لهنا نقول كيفاش جاب المايل متاعي ؟؟؟
بالنسبه لخونا براستوس رسائل كيما هكه نقصد بيها سپام و تحديدا رسائل الفيشينڨ
في الاخر المدون هو لاعب النرد و كيف ما قلت نبدي تحفّظ كبير كيف ما قلت خاطر ينجّم يكون خاطيه ...

لاعب النرد يقول...

تي هاي الدنيا ماكلة بعضها و أنا ما في بالي بشئ...
هيا سيدي:
1- توضيح : وصلتني رسالة من عنوان هشهوش هذا نصها"salut
comment vas-tu,la famille aussi?
rentre vite dans le site:

www.bicoeur.com
inscris toi sur ((butineo)) c'est une bannière jaune
tu recevras un code pour appeler et envoyer des sms gratuitement dans le monde entier
الرسالة هذي وصلت بتاريخ15 جويلية
e hshoosh@hotmail.fr
à joueurdedes@gmail.com
date 15 juillet 2009 01:08
objet Réponse en cas d'absence
envoyé par col0-omc1-s10.col0.hotmail.com

masquer les détails 15 juil. (Il y a 3 jours)


Répondre

Suivre le message
و أنا أجبت على الرسالة لاني تعودت التعامل مع البشر بكثير من الثقة ( وما نحب نطفي حد)
مضمون الرسالة طبعا هو الشكر و في رسالة ثانية أعلمته ان الموقع لم يعد يقد تلك الخدمة
الرسالة1:قلت فيهاشكرا على المعلومة
تحياتي
و الثانية قلت فيها:مرحبا مرة أخرى
في الحقيقة دخلت الموقع و لكن يبدو انهم أوقفوا عملية التسجيل... لقد عثرت على قائمة عناوين فحسب

و هشهوش ينجم يحل الجوابات و يتأكد...
2- ما بعد التوضيح:
أو لا شكرا لصديقي الذي نبهني الى أمر هذه الحكاية
ثانيا: قال هشهوش عني "كنت نتوسّم فيه الخير اما الظاهر انّي كنت غالط برشا فيه !!!
و يرحم من قال: ما يعجبك ف الدهر كان طولو !!!
هذه العبارات لا تتيح لي الان أن أتعامل مع المسألة بحسن نية و لكن ميسالش باش نفترض انك على حسن نية وما قصدتش الاساءة.
نطرح عليك سؤال واحد: حسب رأيك شنو اللي ما بيناتنا أنا و أياك بش نقصدك؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

abounadhem يقول...

شكرا لاعب النرد غلى الرد وكما قلت انو برشة مرات تصير ها الحكاية وتطلع سبام وصدقوني انا مرات تجيني رسالة من روحي اي نعم من روحي وما نحلهاش على كل موقفك واضح والمسالة ما تستاهلش تنرفيز يا صديقي خليك جميل

لاعب النرد يقول...

شكرا لك أنت أبو ناظم...تحملنتاو تحملت حكاياتنا...و هاك تشوف أحيانا بعض التسرع يحول سوء تفاهم بسيط الى اساءة في غير محلها.
شكرا لرحابة صدرك مرة اخرى

هشوش يقول...

ايا هاو باهي مادام جا لاعب النرد:
باهي قبل كل شي و هاو توّه كنت نثبّت ف البوات مايل متاعي في الرسائل إلي انا بعثتها و نحب نأكّد و انّو ما فمّاش رساله كيف المحطوطه الفوق خرجت من عندي و لا محاله م الرساله المكتوبه الفوق ما فمّا شي يدل على انو انا إلي بعثت الميساج هاذا بالعكس مكتوب شكون بعثها (هاويني ادريسه توفى بهوتمايل دوت كوم) دونك لا سبيل إليه باش نكون انا إلي بعثت السپام هاذا لخونا لاعب النرد ...
من شيره اخرى يا صديقي ما تقراش كان إلي يعجبك اقرى الشي إلي انا كتبتو الكل اي انو انا ما حبيتش نذكر اسمك إلاّ بعد ما ضغطو عليّا الجماعه باش نسمّي شكون و زاده ثبّت مليح منين انا كتبت انّو رأيي قلتو بكل احتراز على افتراض انّك تكون ضحيّه و بالنسبه للرسايل إلي قلت انّك بعثتهملي الاولى و الثانيه راهو ما جاتنيش حاجه من عندك بخلاف السپام و كان تحب تصاور م الإيكرون نورّيك ما عندي حتّى قلق

abounadhem يقول...

صديقي هشوش
ما نعقدوش الحكاية برشة ونكبروها واضح اللي ثم سوء تفاهم وحسن نية من الطرفين والاكيد انكم تعرضتو كيف الناس الكل الى سبام ما تندومنيش اني هبطت البوست اللي يكون سبب عركة اخرى مانش ناقصين يا جماعة عرك وفرقة صدقوني راني بديت هارب ع التدوين من الحكايات هاذي ما تخليونيش نندم ...ونسكر المدونة هاذية ضربة واحدة....
تجاوزوا ...واضح انكم الزوز ضحايا مش مذنبين ...
رجاءا