الجمعة، 4 سبتمبر، 2009

هاهو علاش ما عادش نكتب في البلوغسفار؟؟

موش بسبب التصويت ...وان كان من مدة ما كتبتش وماعادش تغريني كثرت المصوتين خاطر في بالي البرباش بينا كيفاش التصويت يصير؟؟...ولكن مع ذلك البوست اللي هبطتها الاخرة على الاساتذة المطرودين جابت برشة اصوات وهذا كان متوقع خاطر الموضوع هذا يلم برشة عباد وهذا المطلوب ...الان تكاتف جهودنا من اجل دعم وحشد الدعم للتذكير بقضية زملائنا المطرودين ...ومن الباب هذا حاولت نقدم حاجة لزملائي محمد وعلي ومعز ...لكن موش هنا المشكل ...المشكل اني لما دخلت نقرا التعليقات على البوست نكتشف ان بعض النكرات كالعادة يصدروا في مشاكلهم وصراعاتهم اللي ما عندها حتى علاقة بالتدوينة اللي هي موضوع الحال ..بعضهم مهبط تعليق هو اصلا تعليق لبراستوس - هنا - وبراستوس او شكون منتحل شخصيته ( مع اني ننزه براستوس ) يحكي عل البيدوفيلي من خلال حكاية ما نعرفش منين جابها؟؟ هنا ؟؟ بالله اطلعو على التعليقات ..وقوليلي اشنية علاقتها باللي محطوط فوقها ؟؟؟
ارجوكم اللي عندو زبلة يطيشها قدام دارهم يكفيني الزبلة اللي قدام داري والبلدية موش سامعتني ؟؟؟؟

هناك 9 تعليقات:

ferrrrr يقول...

la nuit sera longue

غير معرف يقول...

القارئ هاذا ما نعرفوش
بعثلي ايميل يتفاعل فيه معانا ، معانا يعني مع البلوغسفير عموما
و بالخصوص مع شويّة المعارك الدّايرة اخيرا في البلوغسفير
و بعثلي النص هاذا و طلب منّي ننشرو
في الحقيقة ، في البداية مشى فيبالي واحد يصبّ في الزيت على النار ، و ماهوش جدّي ، كنت حذر شويّة
لكن من بعد ما قريت السبعطاش صفحة اللي بعثهملي ، و طلب مني ننشرهم
و زيد معاهم القصيده الرايعة اللي كتبها بالفرنسوية
و اللي استوحاها من بعض الاجواء الاخيرة للبلوغسفير
و خاصة دقّتو في المتابعه و طرافة تعاليقو و رقيّ اسلوبو التوبيخي
للّي يرى هو اللي هوما يستاهلو التوبيخ
تأكّدت من انّو فمّه قرّاء جيّدين و ما يفوتهم شي
كيما النموذج المحترم هاذا
الحاصيلو انا لقيت متعه كبيرة في قراءة هالوريقات
موش فقط لانّو هو معجب بالعديد من المدونين اللي انا من بينهم
و الا لانّو عطى موقف فنّي و عميق ياسر من مهزلة البيدوفيلي الاخيرة

Houssein يقول...

Solution simple :

Tu supprimes les commentaires que tu juges hors sujets, irrespectueux, vulgaires, ou tout ce que tu veux.

comme tu dis, c'est ton blog, et tu y fais ce que tu veux.

Al-Hallège يقول...

Exactement je suis d'accord avec Houssein, il faut supprimer les commentaires de ceux qui veulent polluer le blogsphère pour des fins troooop bas

abunadem يقول...

حسين - حلاج شكرا للتعليق
ادرك انه بالامكان مسح التعليقات الخارجة عن الموضوع ولكن تركتها عمدا لتروا معي تدني مستوى البلوغسفار ؟

Houssein يقول...

Je comprends. Mais bon, c'est pas nouveau, on a tous constaté ce genre de choses depuis longtemps...

Ce que je veux dire c'est que tu écris pour toi et pour tes lecteurs qui apprécient ce que tu écris. Point. Et que c'est dommage de se laisser abattre par une bande de fouteurs de troubles ;)

brastos يقول...

اهلا ابو ناظم

العملية هاذي جديدة

انا بيدي نلقى تعاليق عندي ممضاة باسمي و فيها كلام غريب ، هاذاكه علاش رجّعت الموديراسيون

ايّ تعليق ما يحملش اسمي كاملا يعني بالرابط اللي يحيل على مدوّنتي ـ راهو خاطيني

شكرا

Hamadi يقول...

للاسف تصرفات بعض الاشخاص تدل عن نقص في النضج و صبيانية مفرطة. الذبانة ما ترددش ا ما تدرع الخواطر

abunadem يقول...

براستوس
عرفته سبام كي دخلت على الرابط ما وصلنيش لمدونتك .
هذاكة الحل نرجع الموديراسيون.
حمادي
شكرا للزيارة والتعليق.