الخميس، 3 جانفي، 2008

الهاشمي الحامدي يدعو شباب النهضة الى اختراق التجمع؟؟؟



في رسالة بعث بها الى الطلاب المتدينين في تونس بتاريخ 2 جانفي 2008 اوردتها نشرية تونس نيوز امس دعا الزعيم الطلابي السابق في حركة النهضة محمد الهاشمي الحامدي والذي كان يمسك بالجناح الطلابي للحركة في الثمانينات شباب الحركة الى التخلي عن سياسة العنف والانخراط في صفوف حزب التجمع الدستوري الديمقراطي للعمل من داخله على نشر رسالتهم السياسية والدينية .معتبرا ان العمل خارج هذه الاطر القانونية يجرمهم وهو ما قد نقرا فيه : ما يلي
- ان الاخ الحامدي مازال ينظر بعين الريبة للقانون التونسي الذي جرمه هو شخصيا اذ خرج كما هو معروف من تونس في بداية الازمة مع النظام الحاكم في اوائل التسعينات بحكم غيابي ب20 سنة سجنا .
- ان الاخ الحامدي رغم تقاربه من السلطة في الفترة الاخيرة اواخر التسعينات ومنذ خروجه على شاشة الجزيرة في برنامج الاتجاه المعاكس في مواجهة زعيم الحركة داعيا اياه الى التخلي عن سياسة العنف مستعرضا المصحف الشهير الذي اهداه له رئيس الدولة كاثمن هدية كما يقول لتاكيد ولائه للرئيس بن علي انما يكشف عن تقنعه بقناع العقل والحوار في اطار توزيع ادوار بين الجماعة للمناورة السياسية..
- ان الاخ الحامدي كما عرفه الجميع في الثمانينات في الجامعة لم يكن شخصا عاديا بل عضوا في المكتب السياسي للحركة مسؤولا عن الملف الجامعي وحين غادر تونس غادرها طلبا للجوء السياسي فرجل كهذا لايمكن ان يتنصل هكذا وبتلقائية من افكاره وانتمائه خاصة من حركة اصولية تجرم بشدة من يخرج عنها .
- ان الاخ الحامدي بدعوته شباب الحركة الى الانضواء في حزب التجمع الدستوري الديمقراطي باعتباره حزب يرعى شؤون الدين الاسلامي لا يمكن ان يفهم الا بكونه محاولة للالتفاف على هذا الحزب ومكاسبه من الداخل بعد ان فشلت الحركة في مواجهته من الخارج وهو ما يذكرنا بمحاولات سابقة للحركة في احتواء منظمات ومؤسسات حزبية سابقا كالشبيبة المدرسية والمصائف والجولات وصولا الى اختراق مؤسسات سيادية لاحقا كالجيش والحرس .
- ان الاخ الحامدي يظهر نفسه بانه صوت العقل للجماعة مذكرا اياهم بمآسي السجن وهذا يكشف عن الطبيعة الازدواجية لخطاب هذه الجماعة منذ وجودها التي كانت تظهر خطاب العنف والارهاب من جهة ( كحال ما عرف التنظيم السري الذي كان يشرف عليه محمد شمام والذي كشف عنه منذ 1987 – وحال المجموعة التي نفذت احداث باب سويقة ......) وخطاب التعقل والحوار التي تمد يدها للسلطة من ناحية اخرى ( كحال امضاء الجماعة على الميثاق الوطني في 1988 في شخص السيد نورالدين البحيري ) ونحن نعلم ان لا البحيري ولا الشيخ مورو ولا بن عيسى الدمني بمرتدين عن خط الجماعة وان ادانوا هذه الاحداث .
- فلا نظن الاخ الحامدي بهذه الرسالة خارجا عن سياق مناورة سياسية جديدة للجماعة بمحاولة اختراق النظام من الداخل بعد الفشل في مواجهته من الخارج .( والحقيقة ان هذه المناورة قديمة استمدها رموز الحركة من منظرهم التنظيمي فتحي يكن ) .ا

مرجع الرسالة التي بعث بها الحامدي إلى الطلاب المتدينين في تونس
نشرية تونس نيوز بتاريخ 02/01/2008

هناك 3 تعليقات:

غير معرف يقول...

الصمـــــــصار الصّغيـــــر
و
رجــــل المهمــــّات الصعبة



أيه يا جماعة صـــالح ! دار الشرّق ! إتعلّم على الترّابي ! و إتعدى لمصر ! إتعلم شوية في الأزهر ! زاد شوية إمشي للشام ! إتعلم على النعجة الدهاء السياسي ! و في كل مرّة إدبر شوية فلوس بأسم الخوانجية ! بالتونسي عمل باكو باهي !!!! أي لا وينها فلفزة في لندرة و راديو في باريس ! وعشرة إيزيزي في بوزيد ! الفلوس شوية ما إكفوش للشيخات ! من المواضيع الكل ما ألقى حتى موضوع متع دكتورات كان أولاد عمو ! و جبد على الأنقلاب متعهم ! أنا إلى حد الأن مانيش فاهم إشكون عمل الأنقلال المشوم يا خي صالح كركر و إلا الغنوشي و إلا بن علي ....يا دغباجي نورني يرحم ولديك : إشكون عمل الأنقلاب ! ياخي الأنقلابات حرام و إلا شنوه : حلال على توانسة و حرام على الأخرين ....إنحب نفهم كيفاش ! أنا خايف ها الأنقلابات إتولـــــــــــــي سنة مؤكدة و كل مرّة أقولو هاهم باش ينقذو البلاد !!!! شبعو فيها كما حبت الرّجال و الشعب المزمز راقد على وذنيه !

قضى حاجتو الرّاجل ! و كتب ما كتب ! و نزل فيهم ! بالتونسي : عض الأيد الي وكلاتو ! ياكل في الغلّة و إسب في الملّة ...بالطبع ياخو حتى عشرة دوكتوراه ! أنا بصراحة ما نعترفش بدكتور كما هذا ، حتى بالعربي ما يعرفش يكتب ! بصراحة ماهو ...هذا ما إيجي كان واحد من المشعوذين ...هوكا الي يكتبو في الحروزات !

المهم جذت عليه الحكاية بالي هو يفهم و يعرف ! و إتقابل مع الناس الكبارات في العالم ! أي غلط في روحو ! و منهم مهمة متع 98 جابها من الرّاس متاعو ! قال نمشي إنوف الرّئيس باش إنزيدو شوية في راس المال متع التلفزة ! مهمة صعيبة و متع طيارات ! شوف إشكون باش إقابل : غاندي و إلا إتشي قفارة ! ما هوش عارفو عامل إنقلاب على الحكومة و على عرفو ! بن على إنقلب على بورقيبة و الحامدي حب يعمل إنقلال على الغنوشي ! ...ما هو حتى الغنوشي نيــــــــــــــة عاطي الثيقة في الحامدي كما عطى الثيقة في بن علي رستلـــــو في حل و أربط ! أتعدت عليه الرّاجل مرّتين !

وصل سي الحامدي للقصر : إزوز إمقالاب ....و شوفو هاكي الدّمغات : واحد قاري أداب و ناجح بالأسعاف و بالدّزان و الأخر الجامعة ما يعرفهاش وين إتقبل ! إتصّورو الهاشمي و الزين علاش باش يتفاهمو ، كان على دزة فلــــــــــــــوس ! لا أكثر و لا أقل ! السلعة أشكون : الخوانجية المساكن الي حصلو و لا في خبرهم و لا في دراهم لا بالأنقلاب و لا بالمهمة الصّعبة : جماعة أيدك و حديك

• أهلى بسي الهاشمي و مرحبى بيك في قرطاج !!!!! ( ملك السيد الوالد يستخايلو)
• ركع سي الهاشمي ...على السلامة يا زين الأسلام و العرب ...و يرحم ولديك و كان تقبل مني ها الهدية يا سيدي الرّئيس ..
• أشنوه هذه !
• هذه ...أطروحة الدكتوراه متاعي ...و فيها الصحيح ! و إشكون خمم في الأنقلاب متع الخوانجية و إشكون كان نانوي باش يقلب الحكم ...هاهي إسرار الحركة الكل بين إيديك ...يا سيدي الرّئيس أنت الموس و أحنا اللّحم ...أعمل أش إتحب ....مرمدني و أضرب بالكف !!!!يا سيدي
• هذي الوطنية ...الصحيحة ...صحيت يا هاشمي يا فالح ....انا الأنقلاب متاعي شرعي ...و هوما الأنقلاب متاعم خطر على التوانسة ....تشرب حاجة يا هاشمي !!!!
• عصير ...يا سيدي الرّئيس .....و إلا كاس حليب بارد
• في علمو عرفك بجيـــّتك هوني
• لا يا سيدي ....من راسي .....العملة عملتها ...
• أش طالب ....قداش
• على الرّاس مليون !!!!!!! و النهضة أنحلها ...عطيني فرصة ...
• عندك سبعة ماية مليون ....على ذمتك .....أما ما عاش إنحب نسمع بيها ....حتى في الحلم
• ما لا بشارة كبيرة ....إنشاء الله
• كلام رجال ................الراس بمليون !!!!! !!! أي وقتك أوفــــــــــــــــــى
• ماية حاضر بــــــــــــــــاش ...ماية خوانجي ...كون هاني

خرج الراجل و ساقيه في أيده

• ألــــــــــــــــو .....ألـــــــــــــو ....عدولي الشيخ راشد الغنوشي
• الشيخ إصلــــــــــــــــــــــي ....عاود بعد شوية يا دكتور
الغنوشي ...يقرى في الدكتوراه متع الدكتور ! و الشيخ شالق بيه منذ زمان....ثمة جماعة أخرين وراء الحامدي يخدمو للشيخ زادة ....وقت الي أكتشف الشيخ الغدرة ...و السكين في ظهرو !!!! حبس ....و قال : لا إلاه إلا الله ! سكّر الأطروحة ! و لكن ما عندو بــــــــــــــــــــــاش : الشيخ حس بالهزيمة و لكن هذه جاتو أمر من ظربة بن علي ! جاتو في الظهرة !!!!! غدرة .....مرض الشيخ ! و إنعكف في البيت متاعو !!!!!

جاء واحد من المعاونين متاعو !

• يا شيخ طلبك الهاشمي الحامدي ....في أمر مستعجل
• الشيخ فاهم القصّة من أولها ...سكت .....و ما قال شيئ ....يا ويحو من المساجين ! يا ويحو على المبادئ ....يا ويحو أش باش تورث الرّجال بعدو .....

سيخ في عمرو ....ما إنجم يرجع إلتالي ....و قال ...هاذي ماهيش دوه ....هاذا منداف !!!!!!!!!أخر....كان أصعب قرار خذاه في حياتو ....و تمزق قميص عثمــــــــــــــــــــــان !!!!! و قال يا رجال ما يبقى في الواد كان حجرو !!!!!!!!!!!!!!!!!!!!!!!!!!!! صالح لن يصالح ....بطلب من الشيخ عمر الخيام التونزيني ....الشيخ راشد الغنوشي يرفض أن يصالح على حبل المشنقة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

في إنتضار الأنقلاب الجاي .....هذا الخيال متاعي أش قالي .....و مازال الشيئ هابط كالمطر !!!!!!!!!!!!!!!!!!

• سي الهاشمي ما لى بيها وين ...؟ لازمو على الأقل ماية خوانجي ...باش يعمل بيهم المصالحة ...الوحيد ألي قادر باش إعاون هشومة ...هو قاسم ...قال إنكلمو ...

• أش عملت في هاكي القضية يا سي قاسم
إتنجم تعمل فوتوكوبــــــــــــــــــــــي .........عليــــــــــــــه و إتسقدني ....فيسع ...ماك تعرفس تونس ما إنحبهاش ...راسي يوجعني فيها !!!!!!!!!!!!!!و لازمني إرّوح لسيدي بوزيد في أقرب وقت ممكن ....إنـــــــــــــــطيشهم في قرطاج و نقفل راجع
• قتلتك الأستنســـــــــــــــــــــــاخ ...راهو موش ساهل يا هشــــــومة ....راهي تكنولوجية كبيرة ....و ثمة مكــــــــــــــــــينات ما ثماش في سيدي بوزيد !!!!

• في سيدي بو كـــــــــــــــــــــــل شيئ موجود !!!!!!! شوف شوف شوف حل

• بوعبد الله بوعبد الله .....قالك الأستنساخ متع الرّجال حـــــــــــــــــــــرام !!!!!!!!
• قولو .....المسيح إستنسخـــــــــــــــوه ....ما هوش خير من سيدنا عيسى !!!!!! إستنسخ الكازي .....و أصنع منو أربعة ماية ...راني عطيت كلمتي للرّئيس
• صلي على النبي ما هوش النعجة دالــــــــــــــــــــــــــــــــي....بوعبد الله بوعبد الله متاعكم


سي بوعبد الله بوعبد الله ما فهمش شيئ ! و ما عرفش كيفاش إتصير عملية الأستنساخ هذه ! و لكن من قلب و رب صالح ...المهم الدوسي هذا إيسكّر جملة و تفصيلا !!! ما هوش عارف علاش قادم ! و ما هوش عارف الي عملية فيها صمصرة براسو ...قاعد بحذاي و باهت في الماكيـــــــــــنات الي إدور وحدها و تستنسخ في العباد ! داخل خارج ...داخل خارج ...سيقارو يشعل سيقارو يطفى و دخل بعظو بشكل غريب ....كل مرة إشد راســـــــــو بين إيديه و إعيـــــــط ....يا ربي أش عملت في عمري ...و أش جابني و جابك يا قاسم !!! عن بو النهار الي عرفتك فيـــــــــه ...إستبسل ...قرب مني و قال
• يا قاسم ...زعمة تخطف حكايتك متع الأستنساخ ، كان ما لقيناش 100 إسلامي باش إيصالحو !!!! شوف أنا بصراحة ضد الحكاية هذه ....إنت لا دين لا ملة ..قادر تعمل كل شيئ !!!! حرايمــــــي ...
• لاه يا سي بوعبد الله ، أنا ما إنحبكش تحصل تحت الصّباط و تمشي صردوك فداء ! أنا باش نقذك من الوحلة بالعلم و الخبرة و التجربة ...و إتصّور كان نستنسخ 100 واحد ! ما عاد إصيرلك حتر شيئ ! أتصّور إتكون في نفس الوقت في الحبس و ألبــــــــرى ، في تونس و خارج تونس ، في ماية بلاد في نفس الوقت ...إتولي تحكي إنت و روحك 100 مرّة ....فهمت و إلا ما فهمتش !
• إنت باش إتهبلّني ....إنت ما إتكون من الشياطين ! إنت يا قاسم !!!!!!!!
• إنت من الملائكة يا بوعبد الله ....ما إتخافيش ...أنا حاجتي بخليـــــــــــــّة وحدة منــــك ، لا أكثر و لا أقل ، صاحبك عطي كلمتو لرئيس الدولة و كان ماكش باش تبعثلو الجماعة راهو مشاشى زيزي ...في بلاك الأنتخبات متع 2009 ما هي على قريب و الرّجل إلوج على الشرعية الثانية من الأسلامين ....أفهم و حل مخك ...إتحب تمشي زيزي ...حتى إنت !
• إسمع نعطيك خلية من ظفري فقط ...!!!!
• ما حاجتيش بخلية ميـــــــــــــــــة ...لازمها إتكون حيه و فريشكش ...!!! على الأقل من!!!!!
• و الله لا صارها ...هاك خوذ شوية دم ...و إصّرف فيه .

بوعبد الله إتعب و ما لقي بها وين ! أرقـــــــــد ، الرّاجل خايف إشوف روحو في ماية واحد ! خاف لا تطلع الحكاية فارغة و صاحبو يطلع إصمصر بيه كالنعجة و الي إمخوفو ياسر حكاية النار و الجنـــــة ! خايف يدخل النار ...الرّجل راقد و يرعش ! و صخانة نازلة عليه ! و عرق ، في الحلم ، كل دقيقة و إلا زوز يتنفض و يرجع على بلاسطو دايـــــــــــخ. أنا خفت عليه يدخل بعظو !!! و إترسليلي تستنسخ 100 واحد مهبول ..و جاتني الفكرة باش إطلعهم الكل مجنن ...!!!
جبدت سيقارو !!!! و قلت يا قاسم ما زال ما جابتوش أمو الهاشمي الحامدي !!! أيا نعملهالو عملة إتخليه السياسية ما عاش يقربها إلى أبد الأبدين ....

إختصاصي العلمي جينـــــــــــــات ، هندسة الجينات و قادر باش إنطلع العجب من الشعب التونسي ، الجينات الكل عندي في المخزن ، عندي جينات حاضرة باش ، عملية صغيرة على الخلية و إنبدل أش إنحب و إطلّع أي شخصية تونسية ...حتى من مصباح بن جربوع قادر نصنعو بالذاكرة متاعو ! و بالسلاح متاعو الي عمرو ما فرقاو ....أش نعمل بي 100 بوعبد الله بوعبد الله ...بلادنا ما حاجتهاش بشخصية بسيطة كما السيد الي راقد ...ما هو أحسن إنزيدو شوية سيرو باش يرتاح جمعة أخرى و يلقى روحو في بلاد أخـــــــــــــترى جملة و تفصيلا ...شخصية كما بوعبد الله بوعبد الله ، فشلت ما عاش قادرة باش إتقدم و لا خطوة إلى الأمام ...التنويم متاعها إولي احسن لتونس من أنو يقد على الساحة متع الفيلم ....الرّجل ماشي في بالو إنو يؤثر في مجرى السياسة وهو و صاحبو !!! هذا ما هوش قادر حتى باش يتقبل إنو البلاد إتبدلت !!!! لذا خلوني نخدم و سي بوعبد الله راقد ...و من بعد توه نعملو عملية على مخـــــــــو ، إنحي منها الخّراف الزايد و الوهم و حتى المفاهيم الي لا إمخلياتو لا يقرى لا يكتب ....

في تونس سي الهاشمي من وتيل لوتيل إبيع في الجماعة و إصمصر مع التجوّع ومع الداخلية بروس المساجين السياسين و خاصة الأسلامية ...إطمن في الناس الكل ، الي الجماعة هاهم في سيدي بوزيد .قريب باش إيجو لتونس و إهبطو السراول متاعهم الكل في قصر قرطاج ، قدام الرّئيس !!!! حكالهم كل شيئ و الي هو إتقابل مع المعلّم و إتفاهمو على الأنتخابات متع 2009 و قسمو شكون باش إرشحو في كل معتمدية و كل ولاية ...و بدى إيزيد من عندو و قال الي الرّئيس إشاور فيه حتى في التعينــــــــــات / و سمع ذبان التّجوع بالحكاية و بدات الهدايا هابطة من كل ولاية و من كل معتمدية ...و المديرين الكبار حطولو على حسابو الكراهب و الوتلى و حتى ظربات مشموم ....أفهم ....شوية حبيت إنقول : مخادد من الحريــــــــــر، زعمة يعملها ؟ و شنوه المانع ! و إشكون ما يعكلهاش وقت الي القصر ولى إتقول دارهم !!!!

• ألــــــــــو...يا قاسم ...وقتاش !
• إشنوه ...بوعبد الله راقد ...تعب ..نستنى فيه وقتاش باش إفيق باش نبدى في العملية
• موش موشكل ....قص منو قطعة حتى راقـــــــــــــد ، ما عاش عندي وقت يا سي قاسم و الأنتخابات على قريب !
• ننزل عليه في النــــــــــــــوم ! يا هشومة ؟ زعمة

بوعبد الله يشخر ، عاطي الثيقة في الهاشمي و حاط راسو بين إيديه ....و شاك في قاسم إنو يقتلو و يدخلو للنـــــــــــار متع جهنم !

• ما هو لازمك خلّيـــــة و إلا زوز ...الطّبلة متع وذنو أش يعمل بها ...قصّها
• و كي إيفيق أش إنقولو !
• ما هو ما يعرفش يسمع الحديث ....و عمرو ما إسمع ..و إلي يسمعو إصدقو
• باهي سي الهاشمي ....واصل في الصّمصرة ...و طمن الجماعة و القضية إتكون حاضرة.

بأسم الله ، و الليلة فراقها صباح ! يا ربي العمل عليك و الشدة فيك ! كانها جنة و إلآ نار ! الشيئ هذا راضي بيه !!! بشكون باش نبدى زعمة ...بالأموات و إلا بالأحياء ...الفكر ما إموتش و لازمني نصنع الشخصيات متع الفيلم !!!! و لأول مرّة في تاريخ السنما التونسية يتوصل الخيال لصناعة الشخصية المتحركة القادرة على الفعل / أما الشخصية الي الحية و إلي ما هيش قادرة باش تفعل فقد نامت و زادها المخرج نوعا أخر من المخدر حتى لا تعمى و لا تتدخل في العالم المتحرك فتجهضه و تجهض الثورة

بأسم الله

عمرت الزريقة بالســـــــــــــائل و حليت الميكروسكوب إلكترونيك ...و في عمرت الخلية الأولى ! بجينات زهير اليحياوي ...و في سرعة البرق ...خطفت العملية ...و حطيتو في الكوشة باش إطيب ...تسعة أشهر في دقيقة و 37 سنة في سبعة و ثلاثين دقيقة ...كان سي زهير واقف أمامي حي يرزق :

• على السلامــــــــــــة !
• سبحان اللّذي يحي العضام و هي رميـــــــــــــم ! كيفاش عملتلي ؟
• كنت في الجنة و إلا في النار !
• كليت على راسي الأيمات الأولى !!!!!! صار فيي يا قاسم
• شكون لقيت غادي !!!!!
• ألكلها غادي .....أما جوه ....كبير
• قداش ما زالك .....
• ما إقيدوش غـــــــــــــــــادي ...أما إسمع الدالة الجاية باش نمشي إنحج قبل و في أقرب وقت ممكن ....
• عندك مهمة يا زهير ....باش إتصالح !
• صالح لن يصالح ......و إالا السلام عليكم كن الأن ....بالاّزمة نلتحق بالمعارضة و حالا!
• تونزين إسكرّت
• إشكون سكرّهــــــــــــــــــــا !
• أني سكّرتهــــــــــــــــــا ....قتلك عندك مهمة باش إتقوم بيها ! ما كش وحدك !
• شنية الحكاية ؟
• إستنى ....حتى نجبد عمر الخيام من الكوشة ...هاهو طاب
• يمشيش يتحرق ...خليــــــــــــــني أنا نجبدو ....إنسايس عليه !

و لأول مرة يلتقى الصديقان ! لولم يكن زهير اليحياوي ! لا كان عمر الخيام و لا كنت أنا كاتب هذه السطـــــور ! لا كانت جل هذه القلام الثائرة و لا كانت المعارضة بهذا الشكل ! تحابا ، جلسا بالقرب مني يتبدلان الذكريات ، يتبدلان المغامرات. جلسا كالطفلان ، خليلان ، يبكيان اللّقاء . جلسا إلى المائدة يقران المهمة الجديدة ....حفضا السناريو على ظهر قلب !!!!!!!!

• شنوه قاســــــــــم ، باش إتقدمنا هدية للدكتاتورية مرة أخرى !
• لا يا زو ...توه باش إنحطك وجها لوجه ...إنت و سي عمر ...و هاهو عندك سي محمد عبو باش يحضر .....
• ما تجبدوش إنت يا قاسم ....قال عمر .....خليني نجبو وحدي
• سي محمد .....مرحبا بيك ...!!!!!أنا عمر الخيام ....و هاذا قاسم
• يا ربي في الحلم و إلا في الحقيقة
• عندك مهمة ...يا سي محمد ....إيجى أحفظ الدور متاعك ....قاسم مربوط بتوقت التنفيذ
• إشكون مازال : يا قاسم
• عبد الله الزّواري ......56 ثانية و إكون حاضر ....
• هاهم طالبين 100
• 100 ياسر عليـــــــــــــــــــــــــــــــــــــه يا الـــــــــــــــــزّو
• كما قلت ....100 كأف و رجل ك 100


سيدي بوزيد في الرّبيع تعمل ستة و ستين كيف ! قرية ما هيش قرية ، مدينة ما هيش مدينة ! محاصرة إنعم محاصرة ...حتى باب ما إخرّج كان الذبان ، باش تمشي لتونس لازمك رخصة من الوالي / البلاد بلادنا و لكن بالفيزا من مدينة لمدينة ! جمهورية كبيرة !!!!!!

• ألو سي الهاشمي ......القضية حاضرة ....وقتاش نتقابلو في تونس !
• على أطوروت المرسى الساعة الثانية ليلا ....
• خارج توه من سيدي بـــــــــــو ...كميون مكتوب عليه الرّئاسة ...
• أكو ...نسناك في الكويوســـــــــــــــــــــك
• كلام رجال ...سي الهاشمي ....

كميون بعلم تونس و مكتوب عليه بالخط الكبير ( الرّئاسة ) هذك هي الفيزة ، هاز العلوش للقصر ، شوفور الكاميون بالطبع قاسم ....و الكونفيــــــــــــير سي بوعبد الله بو عبد الللّه ...و الجامعة من تالي ....ناصبة ....الكميون ألوح في الماية و خمسين و زوز قارد موبـــــــــــيل قدامو باش إسرحولو الثنية ....و صلنا تونس ....شد الأوتوروت متع المرسى ...سي الهاشمي واقف يستنى في 100 إسلامي جايبهملو قاسم ...

• صباح الخير .....القضية هوني ...أطــــــــــــــلع من تالي ...عند بلاطة تستنى فيك
• أكو

طلع سي الهاشمي للكميون ...بالكرافات ....لقى محكمة برئاسة الأستاذ محمد عبو تستنى فيه و عندو كذالك محامي ...مخلصاتو جمهورية قاسم ...الكميون من تالي ، في الواقع تعمل كمحمة بالضبط ...و سي محمد عبــــــــــو في لبستو الرّسمية و سي عمر الخيام إرافع على سي الهاشمي ، التهمة الصمصرة الساسية على حساب الشعب التونسي ....كاتب المحكمة الـــــــــــزو ! و الشاهد سي عبد الله الزواري !!!!!

دخل الكميون لقصر قرطاج ....عمل ديمي تور باش إهبــــــــــــــــط السلعة قدام القصر !!!!السيد الرّئيس يستـــــــــــــــنى في التزكيو متع الأخوانجية بفارغ الصبر . هبط من الكميون ! هبط الدروج متاعو ...و إقتلو إتفل سيدي الرّئيس ....راني شوفير في الحكاية !!!! طلع جبد الباب وراه .....خطفت الكميون و خرجت بيه في 150 ......

محمكة في الكميون .....هذي جمهورية قاسم ، جمهورية العدل و جمهورية الوفاء و جمهورية الثورة و لا عاش في تونس من خانهـــــــــــــــــــــــــــــا ....حماة الحمى ...حماة الحمى

قاسم

غير معرف يقول...

كما فعل اليساريون الذين كانو في مواجهة مع الحزب الدستوري في السبعينات فدخلوا التجمع ومسكو بالسلطة في التسعينات فهل يفعلها الخوانجية ويتسلموا دواليب السلطة في السنوات القادمة من بوابة التجمع؟ لما لا.كل شي ممكن المهم انو التجمع هو البوابة الوحيدة للحكم.
وتبقي تونس تتدرجح مرة على اليمبن و مرة على اليسار وربي يستر من الديرباج.

abunadem يقول...

الى غير معرف
الانتهازية موجودة في كل التلوينات السياسية من دون استثناء والسمسرة بدم الناس وتاريخهم لم تعد حكرا على احد .ولكن المبدئية ايضا مازالت عند الكثيرين الصادقين مع انفسهم .لكن الذي يميز اليساري او القومي عن الاسلامي ان هؤلاء منظمين جدا ويتقنون لعبة توزيع الادوار جيدا .اما البقية فيحسنون المناورة الفردية من اجل المصالح الذاتية الضيقة.