الخميس، 27 ديسمبر 2007

فرحنا بيهم ...حقرونا ؟؟؟ الغاء ميتاب دوز


اعلمني ازواو في رسالة يوم 3/12/2007 وصلت تقريبا لبرشة مدونين انو يحب ينظم رحلة للجنوب وتصرفت كي انا كي ادم كي شهاب بطيبتنا وسذاجتنا الجنوبية ونظمنا بعض لقاءات مع عم علي لسود للتنسيق والتشاور ومع بعض شعراء وفناني الجهة وضبطنا برنامج وخصصنا فضاء وشدينا عباد واحرجناهم وتكفلت انا باش ننسق مع ازواو بعثتلو رسالة اولى على الجيمايل بتاريخ 5/12/2007 نعلمو فيها رسميا بقبولنا تنظيم ملتقى مش مجرد لقاء ولكني ما تلقيتش منو حتى رد فزدت ارسلتلو رسالة ثانية على الياهو مايل يوم 18/12/2007 وحطيتلو فيها اسمي ورقم هاتفي باش يكلمني قبل ولكن لم اتصل منه حتى باعتذار الى حد كتابة ها للاسطر وبقيت في احراج كامل يوم 26/12/2007 وانا نلوج عليهم في دوز والعباد اللي ربطتهم معاي في هاالبرنامج تسال كيفاش ووقتاش .حتى قابلنا بشير عبد العظيم وخذينا منو رقم الهاتف متاع سي علي باش يقولنا بكل بساطة اللي هو مش جاي خاطرو مريض وانو اللقاء الغي وان الجماعة ماكانوش باش يجيو لدوز .
مع احترامنا لسي علي وانشاءالله ربي يشفيه ولكن كان ممكن يتصل بينا من قبل شوية ويعمللنا خاطر حتى باميل ويقول راهي الرحلة ماصارش منها .

هناك 9 تعليقات:

غير معرف يقول...

azwaw wa jama3atouhou c'est des nuls sans aucun respect pour les autres

Tarek طارق يقول...

مش معقول.. من المفروض يجاوبك في الوقت... لكن حقكم نظمتم القعدة بمعزل على إلي بش يجيو من تونس... يكون ميت آب متاع المدونين متاع دوز و الجنوب... بحضور شعراء كبار كيف هكاكة كانت تتعدى سهرية كبيرة..

غير معرف يقول...

الشيء من مأتاه لا يستغرب
بربي آش تستن من منديل بالي أو زوز أوراق أبلى

غير معرف يقول...

للأسف وخسارة صدقا كنت أتمنى ان تكون النهاية أحلى اما خسارة ...على كل الجنوب وأهل الجنوب هم في غنى عن أى تعريف هم كل السماحة والتسامح وبعيدين كل البعد عن السذاجة بل كلهم طيبة..

غير معرف يقول...

فرحنا بيهم ...حقرونا ؟؟؟ الغاء ميتاب,* ما حقرو كان ارواحهم, وانتم ماعملتم كان الواجب يا مرازيق , فالف شكرا لكم , والخزي والعار عليهم

غير معرف يقول...

ســــــــّلام عليكم

أولا ! مشكلة موجودة ! و لكن حسب ما إنشوف ...البلوقسفار مازال ما هيش حاضرة للمنتديات ...الجماعة مازال بل أنها تعتقد كليا في أنها إتعدي في الوقت و تبربش على ما حتى شيئ ...و كأن الحقيقة وصلولها من هوكا العام و يعرفوها بالظبط وين إتجي ! أقول القائل عــــــــــلاش ما صارش منها الندّوة هذه الشعرية أو الأدبية أو البلوقية ! لا لشيئ إلا لأن المدّونين مازال ما إكتسبوش الثيقة في أرواحهم ! مازالو في البداية متع النشاط متاعهم ...مازال البلوقسفار التونسية ما إسرّحتش بالباهي حتى إنها أتولي مرجع من مراجع حرية التعبير و حرية الأجتماع و حرية التنقّل ! ! ! ما ظنيتش أنو سي علــــي حقر جماعة دوز ! أبدا ...و لكن ثمة مانع أخر ...أكبر حتى من سي علي ! المانع هذا الناس الكـــــــــــل تعرفو و موش لازم باش إنوضحوه أكثر فأكثر ...المهّم اليوم أنو المدونين إواصلو في العراك و التّنقريز ...و حتى شيئ ما إيجي بالساهل ...!
kacem

الكاتب يقول...

سلام،

عذرا عن المقاطعة،

أودّ ان أسألكم عن الصديق "بيغ تراب بوي"، حقيقة بدأت آقلق عليه، فغيابه الطويل غير عادي. للأسف كان لدي رقم هاتفه، وقد فكّرت في مهاتفته لكنّي اكتشفت انّي أضعته. رجاء لمن يمكنه الإتّصال به ان يطمئننا على أحواله، وسأكون ممتناً لمن يرسل لي رقم هاتفه عبر المايل، بعد أخذ موافقته طبعا.

غير معرف يقول...

khouya: rabbi ykhallik pour cette moubedra,ama ena enloume 3lik haja barka: tu as donné confiance à quelqu'un sur internet que tu connais pas personellement, tous simplement il se peut qu'il a regretté sa promesse et a trouvé le meilleur moyen de reculer est Eytaffikom,et bien sûr hojjtou m3ah comme on dit surement il va s'expliquer.

Ne soit pas découragé pour le futur,et fait confiance à ceux que tu connais personellement,et non à des gens virtuels ;)

من بلد القيظ يقول...

أخي النّاقد لقد إجتهدنا من أجل إستضافة المدوّنين ،وكنت الاكثر حماسا وتفاؤلا ،ولكنّهم خذلونا ،الامر المؤسف أنّه سي علي لم يعقّب على الأمر ،يعني بالعربي ...