السبت، 13 سبتمبر، 2008

فتوى أخرى في رمضان ؟؟الله يحبس علينا العقل والدين ؟؟؟؟؟؟؟؟

تكثر الفتاوي في رمضان كيما نعرف باعتبار ان الوازع الديني يمكن يقوى اكثر في شهر رمضان وتبدا "العباد الكل مومنة " هذه فتوى جديدة قريتها في جريدة السفير اللبنانية (هنا)
وفي جريدة الحياة (هنا) لشيخ سعودي رئيس المجلس الاعلى للقضاء المسمى صالح اللحيدان اللي ما كانش معروف عليه التشدد من خلال كتاباته ومحاضراته كان من الناس اللي يستهجن التكفير بل اعتبر في مداخلة ليه مسجلة ( هنا )ان " وجود المنكرات والمجون في بلادنا لا يجيز الخروج والتكفير " وما نعرفش علاش تنكر لموقفو هذا وبدا هو نفسو يدعو للتكفير بل والقتل ...وانا نتصور لو كان تثبت تهمة كي هكة على انسان فما بالك شيخ داعية عامل روحو يدافع عن الاسلام فإن القانون يلزم يحاكمو بالتحريض على القتل وهي تهمة اكثر خطورة من القتل نفسو ...علاش نبقو محكوم علينا باش نكونو العوبة في يد متطرفين كيما هاذوم وهل بالقتل يستقيم حال الامة ؟؟؟؟ الفتوى هاذي كيما جرات العادة لقات معارضين سوى من شيوخ الدين او من الصحافة (يمكن تتطلع هنا على ردود الفعل )


******************************
الخبر كما اوردته "السفير"
قاض سعودي يفتي بقتل أصحاب الفضائيات »المفسدة«



أصدر رئيس مجلس القضاء الأعلى السعودي صالح اللحيدان، أمس، فتوى أجاز فيها قتل أصحاب القنوات الفضائية العربية التي تنشر »الخلاعة والمجون«.
وقال الشيخ اللحيدان إن »أصحاب هذه القنوات يبثون الدعوة للخلاعة والمجون أو للفكاهة والضحك وإضاعة الوقت بغير فائدة«، مشدداً على أن »من يدعو إلى الفتن يحل قتله، لأن دعاة الفساد في الاعتقاد وفي العمل إذا لم يدفع شرهم بعقوبات دون القتل جاز قتلهم قضاء«.
وبالإضافة الى برامج المنوعات تكثر القنوات العربية من بث المسلسلات التي تجذب المشاهدين العرب وكان عدد كبير منهم شاهد في الاشهر الاخيرة مسلسلاً تركياً، (نور)، بثته قناة »ام بي سي«. وصور هذا المسلسل في ديكور شرقي واعتبره مفتي السعودية »معاديا للاسلام« واصدر فتوى بأن كل من يبث هذا المسلسل هو »عدو لله ولرسوله«. (أ ف ب)

هناك 4 تعليقات:

WALLADA يقول...

يا ولاّ حال

باللّه هالقاضي السّعودي قولـّه يبدا بإقامة الحدّ على ولد بلاده الأمير طلال صاحب قنوات روتانا ، تره ينجّمشي يمسّ شعرة منّه
فعلا يا أبو ناظم ربّي يحبّس علينا العقل و الدّين

khayati يقول...

Bonjour.
Vous trouverez le texte de cette fatwa à cette adresse
http://www.alweeam.com/news/news-action-show-id-5308.htm

Der Kameltreiber, Ladeeni ولد الصحرا يقول...

شكرا على ايرادك الفتوى و عى المدونة لحلوة برشا

أما ملاحظة صغيرة.:

"فإن القانون يلزم يحاكمو بالتحريض على القتل وهي تهمة اكثر خطورة من القتل نفسو "

على أنى قانون تحكي؟ السعودية ما فيهاش حتى قانون بل كل قاض يفسر الشريعة الاسلامية كما يحلو له

و السيد بصيفته قاضي القضاة يعمل واش يحب

و هاني نزيدك من الشعر بيت:

الشيخ الجبرين اللي هو أكبر شيخ غادي بعد المفتي مازال إلى يومنا هذا يأيد و يشكر بن لادن علنا و يصف تفجيراته في السعودية بأنها اجنهاد, والحكاية مسجلو و موثفة بالصوت

يا ولدي راهو خنار كبير وهاكلبلاد ليها كان حرقة

شكرا مرة أخرى على المدونة

abunadem يقول...

سامحوني يا جماعة اولا خاطر التعليقات متاعكم ما كانتش تظهر لاني يظهرلي مسيت خيار ادارة التعليقات وقت اللي بدلت المدونة وما فقتش بيها ...
شكرا ولادة على ملاحظتك ويظهرلي كلامك صحيح السيد من بعد كتب يقول اللي حرفولو الكلام متاعو ولكن يظهرلي سي وليد شدلو وذنو بلحق ..
khayati
شكرا للتعليق اطلعت عليها الفتوى ..ولكن السيد هاهو دار في الحياسة وقال ما قلتش ...يظهرلي سي وليد ابن طلال سيرلو وذنيه؟؟
ولد الصحراء
انا نقصد طبعا القانون المدني قانون الناس المتحضرة موش قانونهم هوما خاطر في السعودية كيما قلت انت هو اللي يفتي والقضاء الشرعي عندهم اقوى من القضاء المدني ..
انا نطلب مؤسسات المجتمع المدني العربي يحاكموه كان جات الدنيا دنيا خاطر الفتوى ما هياش موجهة للخليج بركة ...