الخميس، 21 أوت، 2008

متحجبة تنافس على الذهب في الصين ؟؟؟؟؟؟؟؟



الخبر يظهر غريب شوية لانو مشهد مرا متحجبة يعطينا الانطباع بمشهد مرا مكبلة بكومة متاع ملابس ما تنجمش تتحرك فيها الا بصعوبة كيما نشوفو في العادة لكن المرة هذية العداءة البحرينية رقية الغسرة عملت استثناء وجابت الذهب في الالعاب الاسيوية الاخيرة اللي تقامت في الدوحة في 200 متر وهذا خلى البحرينيين متفائلين بنتائج جيدة في الاولمبياد .لكن الخبر كانت عندو تعليقات برشة وتوابع من نوع انو حد ما تشجع يدربها في التسعينات خاطر ما ينتظروش حاجة كبيرة من مرا متحجبة حتى جاء المدرب الجزائري نورالدين طاجين وقبل تدريبها في 2003 وجابت نتائج خلات الجدل يتواصل في الدورة هذية ...زعمة ممكن لمرا تغطي بدنها الكل يمنعها من الحركة انها تجري وتنافس عداءات امريكا واوستراليا وخاصة الافريقيات ؟؟؟؟؟؟؟؟





هناك 3 تعليقات:

Tarek طارق يقول...

شفتها البارح... و الحقيقة من الناحية الفنية واضح عداءة ممتازة... و ما فمة شي يميزها أو يعرقلها في نهاية الأمر على ممارسة رياضة العدو كيف بقية المنافسين متاعها في السباق...

غير معرف يقول...

winek ya MASSIR ejrilna ,rahou thamma wahda mothajjba ta3ref tejri ,ija sebbha et talla3 el 3ella et bent el 3ella,ah pardon enti cultivé: TROUVE lui une insule !

beheeddine يقول...

مثال حي على أنه المشكل في المسلمين وموش في الاسلام